近期港股氣氛麻麻，焦點又落在幾隻新股身上，農夫山泉（9633）噚日跟隨大市高開回落，收咗一日貨又再炒上，暫時仲係市場焦點，明日有隻百勝（9987）上市，短期都係圍住呢堆新股及一眾影子股去炒。
論板塊近期最強莫過於餐飲股，百勝在內地經營KFC、Pizza Hut，今次回歸擺明要食正內循環條水，明日都睇實。除炒咗隻百勝外，餐飲板塊3大前鋒剛好由高位完成回調，剛加入大媽Club嘅九毛九（9922），今日已經唔使跟大市跌，仲有隻海底撈（6862）升2%，呢啲市況只能炒強勢股。同場加映隻餐飲最強餐飲頤海國際（ 1579），50天線有支持，呢幾隻都可以留意吓。